देश | प्रतिनिधी – मुख्य संपादक – कृष्णा गवळी | चाणक्य NEWS
भारतीय महिला हॉकी संघाने आशियाई क्रीडा स्पर्धेत ऐतिहासिक कामगिरी करत तब्बल ४४ वर्षांनंतर सुवर्णपदकावर आपले नाव कोरले. शुक्रवारी झालेल्या अंतिम सामन्यात भारताने गतविजेत्या चीनचा १-० असा पराभव करत सुवर्णपदक पटकावले.
सामन्याच्या १०व्या मिनिटाला लालरेमसियामीने केलेला निर्णायक गोल भारताच्या विजयाचा आधार ठरला. विशेष म्हणजे हा तिचा २००वा आंतरराष्ट्रीय सामना होता. चीनने सामन्यात बरोबरी साधण्यासाठी अनेक आक्रमणे केली; मात्र भारतीय बचावफळी आणि गोलरक्षक सविता पुनिया यांनी उत्कृष्ट कामगिरी करत चीनला गोल नोंदवू दिला नाही. सविताने सामन्यात चीनचा पेनल्टी स्ट्रोकही वाचवला.
२०२८ ऑलिम्पिकचे तिकीटही पक्के
या सुवर्णपदकासोबतच भारतीय महिला हॉकी संघाने लॉस एंजिलिस २०२८ ऑलिम्पिकसाठी थेट पात्रता मिळवली आहे. भारताने यापूर्वी १९८२ मध्ये आशियाई क्रीडा स्पर्धेत महिला हॉकीचे सुवर्णपदक जिंकले होते. त्यानंतर तब्बल ४४ वर्षांनी भारताने पुन्हा हा मान मिळवला आहे.
चाणक्य NEWS | ( लोकशाहीचा निर्भय आवाज ! )
