ईद-ए-मिलाद निमित्त वडगाव येथे भव्य रक्तदान शिबिर; हिंदू-मुस्लिम ऐक्याचा दिला जाणार मानवतेचा संदेश

चाणक्य NEWS | वडगाव (कां.) प्रतिनिधी

ईद-ए-मिलादच्या पावन निमित्ताने प्रेषित हजरत मोहम्मद यांच्या जन्मस्मरण दिनाचे औचित्य साधून वडगाव (कां.) येथे भव्य रक्तदान शिबिराचे आयोजन करण्यात आले आहे. हिंदू-मुस्लिम ऐक्य, सामाजिक सलोखा आणि मानवतेचा संदेश समाजापर्यंत पोहोचवण्याच्या उद्देशाने या सामाजिक उपक्रमाचे आयोजन करण्यात आले आहे.

“माणुसकीचा धर्म सर्वात मोठा, रक्तदानातून जपूया हिंदू-मुस्लिम ऐक्याचा धागा!”** या संदेशातून सर्व धर्मीय नागरिकांना रक्तदानासाठी सहभागी होण्याचे आवाहन करण्यात आले आहे.

रक्तदान हे केवळ सामाजिक कार्य नसून गरजू रुग्णांसाठी जीवनदान ठरणारे महत्त्वपूर्ण योगदान आहे. “एक रक्तदान — अनेकांचे प्राणदान” या भावनेतून नागरिकांनी मोठ्या संख्येने सहभागी होऊन मानवतेचा आदर्श निर्माण करावा, असे आवाहन आयोजकांकडून करण्यात आले आहे.

धर्म, जात-पंथाच्या पलीकडे जाऊन “धर्म वेगळे असले तरी माणुसकी एकच” हा संदेश या उपक्रमातून समाजासमोर ठेवण्यात येणार आहे. हिंदू-मुस्लिम बांधवांसह सर्व धर्मीय नागरिकांनी एकत्र येऊन रक्तदानाच्या या सामाजिक उपक्रमाला उत्स्फूर्त प्रतिसाद द्यावा, अशी नम्र विनंती करण्यात आली आहे.

🩸 रक्तदान शिबिराची माहिती

*📅 दिनांक:* २६ ऑगस्ट २०२६
⏰ वेळ: सकाळी ९.०० ते दुपारी २.०० वाजेपर्यंत
📍 ठिकाण: वडगाव (कां.)
🤝 आयोजक: समस्त ग्रामस्थ, वडगाव (कां.)

चला, एकत्र येऊया… रक्तदान करूया… मानवतेचा संदेश देऊया! 🇮🇳❤️